لسلامتك لاترتدي الاحذية المكشوفة

لسلامتك لاترتدي الاحذية المكشوفة


مع جو الصيف اللي كله انطلاق وحيوية، وخروجات ومصايف، كلنا بنفضّل نلبس الأحذية الخفيفة المفتوحة؛ علشان تتناسب مع الجو هذا؛ لكن لازم ناخد بالنا إن تعرّض القدمين لأشعة الشمس القوية ممكن يكون سبب في الإصابة بسرطان الجلد، وهذا اللي حذّرت منه ربيكا تينج، مديرة قسم الأمراض الجلدية بالمركز الطبي لجامعة ليولا بشيكاغو.




وأكّدت أن معظم حالات سرطان الجلد تحدث في أجزاء الجسم التي تتعرض للشمس بشكل متكرر، وأن المشكلة في الاحذيه المفتوحة التي نلبسها أنها تترك القدمين معرّضتين للشمس بشكل كبير؛ لأن مخاطر الإصابة بسرطان الجلد في المنطقة ذي كبيرة.




مش بس القدمين بتكون معرّضة للشمس بشكل كبير؛ لكن كمان كفّ الإيد، والذراعين؛ خاصة لو كنا بنسوق، علشان كده يُنصح دايما بارتداء القفازات لو بنتعرض للشمس لفترة طويلة جدا، وكمان الملابس القطنية الفاتحة هي أنسب اختيار لملابس الصباح؛ خاصة لو كان شغلنا بيتطلب مننا التعرّض للشمس لفترة طويلة.



وتنصح تينج للحماية من سرطان الجلد، بتجنّب التعرّض للأشعة فوق البنفسجية، واستخدام كريمات الحماية من الشمس كل يوم، واللي لازم نوزعها على كل الأماكن المعرّضة للشمس من جسمنا، والابتعاد عن الشمس بين الساعة العاشرة صباحًا والثالثة عصرًا